久等了，抑壓俠figure可以網上預訂喇！

優惠即日至6月19日止，希望大家快快預訂啦！:)

預訂

（進入網址後按"PROMOTION"）

門小雷《抑壓俠》Figure預售

限定100套，額滿即止

首五十名送門小雷親筆簽名畫

售價：（每隻）原價$320，訂購價$260

預售日期：即日起至 19/6

取貨日期：18/7 – 31/7

落訂及取貨地點：“MY CASE”－　旺角信和中心地庫 B33

訂購：

Ø 買兩個或以上Figure可先付50%訂金，並於取貨時付清餘數；

Ø 可到信“MY CASE”－　旺角信和中心地庫 B33落訂；或

Ø 網上訂購，並轉帳到Apple Kingdom Limited戶口  (詳情請瀏灠Apple Kingdom Limited網頁，即將啟用） 

瀏覽figure

（多謝My Case的Akari給我們靚位放figure）

香港以外地區朋友請耐心稍等，我們即將安排海外訂購方法！:)

上星期參加了東京的Design Festa，第一次去，更是第一次參加，同行有apple kingdom的同事paklok和Trista，還有美少婦Lammy。

每個攤位都費盡心思，有賣畫的、賣印刷品的、賣手作羊毛公仔的、手作飾物的、衫褲鞋襪、陶瓷、搞行為藝術的、打麻雀的挑戰、奇怪的東西、吃的......什麼都有。二千多個攤位，兩天也看不完，看完一個攤位也有可能永遠找不回去。我們也是輪著出去看，很興奮。

多謝Mari-San當我們的翻譯，用心介紹我們，辛苦你了！！想不到有些人在Pixiv看過我的畫，然後當天認得我，很感動啊。有些人非常認真地看貼出來的poster，問了很有心的問題。要不是第一天搭凌晨飛機到達東京，沒有睡覺就撐一天Festa，我必定很認真回答啊！有個女孩問我為什麼兩張畫上面都寫著"No"，我才發現自己很喜歡寫"yes"和"no"字。

待續

早前接受了face的訪問，謝謝Laddy得知抑壓俠要出figure後馬上有興趣介紹，也謝謝攝影師阿維，又再次多謝TC2 Cafe借出地方給我們做訪問～:D

訪問欄目是「新鮮人」，對於這個題目其實覺得有點尷尬和慚愧...事實上我以畫漫畫為職業也快達十年，很不新鮮...可是在比例上，我又實在有點一事無成，證明仍需積極努力，希望大家重新認識我啦，我還很年輕的！:)

以下我對訪問還有一點補充：（黑字為訪問原文，紅色字是我的補充）

「齋聽我個筆名，唔少人以為我好粗魯、地痞。（其實也沒有...不過就真的無數人問我為什麼有這個名字）我點會唔知「門」字加個「小」字係咩意思！個名係我好朋友改既，（只是「門」字是朋友後來加上去的）我冇諗過標奇立異、順口、o岩心水就用落去，（我真的是貪順口！）就好似我咁多年來行o既路一樣，隨心所欲，條路崎嶇o的都係值得。自從正式做佐插畫師（其實我是個漫畫家）先諗到用自己鍾意o既筆名創作之餘，都要學識teamwork，至可以事半功倍。

正式打工係近半年o既事（說是「打工」又不太貼切...我簽了apple kingdom的經理人合約），最近兩個月特別忙，因為自己作品「抑壓俠」系列就o黎出figure，要跟同事傾點樣配合推廣、上雜誌訪問、幫手畫宣傳單張等（沒有畫過！？）。創作可以free，但唔代表收埋自己。（有了錢就可以收埋自己！）呢個道理，我最近先漸漸明白，原來以前沉醉一個人作畫，等於唔俾機會同人溝通，又邊有意思呢？（現在也是一個人作畫，只是marketing方面交給apple kingdom親愛的同事們:) yeah~）

我由11歲練同人誌起（練？打錯字？），拎畫筆開心過揸原子筆做功課，就係因為用畫筆、顔料就可以好free咁創造出自己o既世界。我乜o野畫風都去試，素描（素描不是畫風是基礎呢..）、貼紙，蒙太奇乜都有（可能是剪貼的意思）仲將作品寄去唔同o既地盤刊登，15歲果年，有雜誌睇過我的畫，主動請我畫連載。有得發表，賺1、2千蚊稿費都值得喎！（我記得當年只得$100一頁彩色....年紀小不懂事）

Free當然有代價（再強調Freelancing是一點也不free的）。做兼職插畫師（我是全職漫畫家...由朝畫到晚咖；﹣；）收入好唔穩定，試過一個女仔去廣州兼職（是全職！瞓晒身咖！）畫插畫（漫畫為主），人生路不熟又少錢，使幾蚊人仔搭車都要慳住。不過都慢慢聚集o左一班讀者定期捧我場，仲有間歐洲出版社搵我合作畫漫畫，o係我以為已經好滿足o既時候，有一個插畫前輩（其實他是漫畫家前輩:)）及時點醒o左我。

佢筆名叫百樂（真名來的！）對我o黎講真係名副其實o既「伯樂」。百樂創作o既「士多狗與外賣貓」，o的product賣到去日本，但捱足十年先有機會俾人認識，半年前主動邀請我做全職插畫師（也不只插畫，是多方面發展，哈）每個月有約$15,000至$25,000收入（沒可能！！！！！！！就算死亡趕稿勁接freelance最多也一定不過$15,000，而且這其實是很不穩定的，例如這兩個月我總共只有$0的收入..............有幾個朋友看完這訪問又來串我有錢...嗚，很不值啊）任我畫乜都得（都要很認真的！），不過要開始同同事合作，推廣自己o既作品。我初頭覺得冇乜必要，但佢一句：「你就算唔志在賺錢，但唔俾人識你，咪即係閂埋大閘，封閉人o地認識你o既機會！」我先醒覺創作唔應該咁封閉（其實我覺得創作可以很封閉，賺錢就不應該封閉才對...），我筆名叫門小雷，到目前為止，仲好多人以為我份人好市井（我沒有說過啊。口。)，呢個係我冇俾人同我溝通o既後果。（對...）

於是試o下同同事由傾閒偈開始，交流o下點樣搞好隻figure的推廣。傾落又唔係咁難o者，就算同傳媒做訪問，同事就會o係隔離幫o下口製造話題（對！多謝靚女Trista！），果然比孤軍作戰好好多。我唔敢話希望自己有小克、楊學德o既成就，但佢地積極咁透過唔同媒體發表作品，從而感動或者認識到更多讀者，就係我之後o既目標。

（對，不過我的終極目標還是賺夠早點退休，同個仔同隻狗去唱山歌，哈哈）

最後我祝大家心想事成！財源廣進！

不好意思各位，很多朋友已不停問怎樣可以買到抑壓俠figure，向我買有沒有折頭等。

我已跟公司談好，將於兩星期內開始接受預訂！

暫時只在網上發售，因此全世界人士亦可購買！請密切留意本blog。

售價暫定為$320一隻，向我買是沒有折頭的，因為成本貴，我自己也要掏錢買...

不過！！首批預訂的朋友可得到非常多的折頭！（有多少請繼續留意本blog）

首30名訂購者更可以獲得本人親筆手稿一張:)。

此外，預告一下，«宇宙不安學會 暨 門小雷繪圖筆記本» 暫定7月份出版！